Н.Дилецкий

Стихотворные вставки в "Мусикийской грамматике"

I. Предисловие мусикийской грамматики счиняется
всяк бо, тоя поучаяся, сердцем возвеселяется.
Понеже Богу и Богоматере и всем святым та строит похваление,
много бо душевные ползы спеванием и умиление.
Достойно есть сию книгу со вниманием ся поучати,
сладкими и умилными гласы разумно воспевати,
О похвале Божий и Богоматери и всех святых сотворяти,
мерно и согласно слаткое пение устрояти.
Должно, благочестивый книги сея снискателю,
в божественном пении разумению искателю,
Молю тя да здравым умом судиши,
труд, иже в книзе сей предлежащей, да узриши.
Ревнуя убо, тщися разум не воспевати,
Бога и Богоматерь выну восхваляти.
Всех святых непрестанно прославляти,
душевныя ради ползы умилно восклицати.
В доме достоит пению ся поучати,
во церкви подобает сладко без запнения воспевати,
Во славу Богу и святым Его пением честь приношати
слух и сердца слышащим человеком красным пением услаждати.
Колиже есть лутши пению ся поучати,
неже в суетах и в лености время погубляти.
Счиняй и пой разумно, хвали имя Бога,
от Него ж мзда будет за труд тебе многа.
И за мя грешна Ему помолися,
а хулником уста заграждати тщися.
Защищай добро, Бог защитник тебе,
даст зде век долгий и вечность в небе.
Ея же верно и аз вам желаю,
милости вашей и сам ся поручаю.
Сему предисловию аминь,
молю наших трудов не отринь,
Да и сам благословен будеши,
от Бога вся благая получиши,
Нас же прости, в неисправе не поноси.

II. Первую часть докончивше
и вся яже в ней изучивше,
Их в памяти твердо держим
и за та вся Бога блажим,
Что даде нам без напасти
зрети конец первой части.
Еже даде нам Господь ю скончати,
потщимся по сем вторую начати.

III. Зде вторую часть окончивши,
во пении все совершивши,
Божиею помощию паки начинаем
и третию часть явно предлагаем.
Его же, Вышняго, молити,
начати дело и свершити.
Се убо вторая часть совершися
о ней же рех пещися,
Дабы имя притяжал,
а певец ся назвал.
В третьей части побдети,
мусикийское пение снабнети.
О сем славу Богу давше
и вторую часть скончавше,
Подщимся зде начати
третию часть писати.

IV. О читателю прелюбезный,
в разуме своем скоробежный.
Аще ты еси был тщаливый,
вся яже до зде изучивый,
Убо достоин еси чести
со учеными людми сести.
При им и еще твою волю
и последуй мне, в чем глаголю -
Четвертой части поучися,
мусикийских правил вразумися
И возможеши разрешати
издачи сам издавати,
И будет тебе се в похвалу
возврастующе в них по малу,
Зело бо хитра сия часть,
яко можеши ею все класть,
Что отчасти есть объявлено,
в ней же ти предложено.
Тем же усердно о сих тщися,
мусикийских правил поучися.

V. О любезнейший прочитатель,
буди о Христе ты снискатель,
Да в науке сей будешь свершен
и везде у всех добре почтен.
Зане аще ты и потщился,
четвертой части изучился
И веси правила обретати
и вся их разрешати,
Еще же и сам задавати
и между всеми ся равняти.
И за сие ты добре подчтен,
ко ученым в совет людем причтен.
Но еще молю тя, потщися
пятыя части изучися,
В ней же охотно ся понуди,
в граматики сей свершен буди,
Да будеш почтен всеконечно
и увенчан от всех венечно.
От них же поучихом
та ныне окончихом.
К ним же ты усерд буди,
всех правил не забуди,
Како бо ти подобно
до помниш вся особно.
К друг другу не смешение,
но кождо совершенно.
Да бы могл приступити
присущих ся учити.
Правила окончашася,
яко венцем увенчашася.
Еже бысть написано,
а по нем ино показано,
Хощет ся начинати
ты же изволь прилежати,
Зане ти есть к потребе,
якоже соль при хлебе.

VI. Пятая часть свершися,
той учайся потщися
Славу Богу воздати,
а сам себе внимати
Всякий приклад порядок
чтобы познати в достаток,
Аще бо и в краткости,
не лишит тя сладкости,
Якову иметь сладость в себе,
такову даст и тебе.

VII. По сем сам разсуждай,
охотне ся труждай,
Аще бо ты и потщился,
шестой части изучился.
Чинность ея назирай
и ноты все разбирай.
Извеси вся превращати
и сам ся спросив отвещати,
Тем же на Бога уповая
и на помощь Его призывая,
Потрудися в них охотно,
аще будет и работно.
И пиши угодно,
чтобы творить удобно,
А смотри всех паче
разума в задаче,
Потому бо знати
как сия писати.
Славу Богу давше,
шестую часть скончавше.

VIII. Стихи к хотящему пети

Трудолюбивый о Бозе песнорачителю,
Разума же того добрый снискателю
Усердно в божественном пении прилежи,
Добродетельное житие пред Богом покажи,
Имей к Нему веру свою без сомнения,
Любезно Той научит тя без закоснения.
Сон многий и леность от себе отложи,
Язык же свой от всякаго зла удержи.
О сем пении упование свое на Бога возложи,
Смерти же час во ум свой крепко положи.
Елико ты тщание о сем делании покажешь,
Многий разум от сего дела себе стяжешь.
Молитвами о пении к Вышнему простирайся,
О получении ж сего таланта не сумневайся.
Не лишишься того, его же себе желаешь,
Аще ли, веруя, во всем на Бога уповаешь.
Храни от всяких страстей свое тело,
Твердо будет твое всеблагое дело.
Иного себе веселия, кроме пения, не желай,
Христа же, вразумившего тя, пением прославляй.
О данном ти таланте добре веселися,
Ненавистныя же Богом гордыни зело блюдися.
Многохотящым пети разум свой открывай,
А тмою зависти таланта своего не покрывай.
Кто бо не желает славити Святое Божие Имя,
Ангелы Его славословят на всякое время.
Разумно о Бозе пети всегда тщися,
И умом своим внимати пению не ленися.
Егда же достигнешь внимати пению ясно,
Велми храни чистоту свою опасно.
Совершенно же пети аще навыкнем,
Крепким гласом к Богу сице вси воскликнем:
Иисусе сладчайший, Учителю наш благий, спаси нас,
И от всех страстей и вечных мук свободи нас.

Акростих: "Трудился о сем монах Тихон Макариевский".


Библиотека музыканта-педагога.
Вл. Протопопов. Русская мысль о музыке в XVII веке.
Москва, "Музыка", 1989.

  • Перейти к оглавлению

    * * *

     

    Спонсорская ссылка:

  •  
    Поиск

    Воспользуйтесь полем формы для поиска по сайту.
    Версия для печати

    Навигация по сайту:


    Воспользуйтесь картой сайта
    Портал
    Православный Календарь
    Новостная лента
    Форум

    Яндекс.Метрика
    Rambler's Top100

    Спонсоры:

    Свои отзывы, замечания и пожелания можете направить авторам сайта.

    © 1999-2007, Evening Canto.

    Сайт на CD-ROM


    Rambler\'s Top100

         
    PHP 4.3.7. Published: «Evening Canto Labs.», 1999-2001, 2002-2007.