к~_е. И='же во ст~ы'хъ _о=т_е'цъ на'шихъ и= сщ~енномч~нкwвъ, кли'мента па'пы ри'мскагw и= петра` а=ле_ксандрi'йскагw.

Тропа'рь ст~ы'хъ, гла'съ д~:

Бж~е _о=т_е'цъ на'шихъ, творя'й при'снw съ на'ми по твое'й кро'тости, не w=ста'ви мл\сть твою` w\т на'съ, но мл~твами и='хъ въ ми'рjь о_у=пра'ви живо'тъ на'шъ.

Конда'къ кли'мента и= петра`, гла'съ д~. Подо'бенъ: Jа=ви'лся _е=си`:

Цр~кве недви'жимiи и= бж~е'ственнiи пv'ргове, бл~гоче'стiя бж~е'ственнiи столпи`, вои'стинну крjь'пцыи, кли'менте съ петро'мъ всехва'льнiи, ва'шими мл~твами соблюди'те вся^.

Сла'ва, тропа'рь кли'мента, гла'съ д~:

И='же w\т бг~а чудодjь'йствы пресла'внw о_у=дивля'я вселе'нныя концы` мi'ра, сщ~е'нный страда'льче: па'че _е=стества` мо'рю, соста'вы вода'мъ содjьва'еши раздjьле'нiе, въ ч\стнjь'й па'мяти твое'й, всегда` притека'ющымъ о_у=се'рднw въ бг~озда'нную ти` цр~ковь, чуд_е'снымъ твои^мъ моще'мъ: и= по всенаро'дномъ хожде'нiи, мо'ре во _е=ди'но тече'нiе чудодjь'тельнjь твори'ши, кли'менте преди'вный, моли` хр\ста` бг~а сп~сти'ся душа'мъ на'шымъ.

Та'же конда'къ кли'мента, гла'съ в~. Подо'бенъ: Тв_е'рдыя:

Бж~е'ственнагw вiногра'да сщ~енноwдjь'янна всjь^мъ лоза` jа=ви'ся, ка'плющи сла'дость прему'дрости, мл~твами твои'ми всече'стне. да тебjь` и=стка'ну jа='кw багряни'цу, пjь'снь мы'сленную принесе'мъ, кли'менте свя'те: сп~си` рабы^ твоя^.