к~а. Ст~а'гw сщ~енномч~нка i=аннуа'рiа, и= дружи'ны _е=гw`: И= ст~а'гw сщ~енномч~нка fео'дwра, и='же въ пергi'и:

Конда'къ, гла'съ г~:

Сщ~е'нiя пома'занiемъ и= муче'нiя кро'вiю о_у=краси'стеся сла'внiи, i=аннуа'рiе и= fео'дwре, и= сiя'ете всю'ду въ вы'шнихъ лику'юще, и= на'съ назира'йте въ хра'мъ ва'шъ прише'дшыя, и= въ не'мъ непреста'ннw зову'щыя: всjь'хъ на'съ соблюди'те, моля'ще чл~вjьколю'бца бг~а.

Тропа'рь, гла'съ в~:

Позна'нъ бы'въ, w\т пеле'нъ w=сщ~е'нъ, и= jа='влься бл~года'тей и=спо'лненъ, чудесы` мi'ръ w=зари'лъ _е=си`, и= де'монwвъ мно'жество w\тгна'лъ _е=си`, сщ~еннодjь'телю fео'дwре: тjь'мже w= на'съ моли'ся гд\севи.

Конда'къ, гла'съ г~. Подо'бенъ: Дв~а дне'сь:

JА='кw на _о='гненную колесни'цу, добродjь'тельми бг~оно'се возше'дъ, восте'клъ _е=си` на нб\сная жили^ща: jа='кw а='гг~лъ съ человjь'ки пожи'лъ _е=си`: и= jа='кw человjь'къ со а='гг~лы _о='крестъ ликовству'еши. сегw` ра'ди показа'лся _е=си` чуде'съ бж~е'ственное прiя'телище, fео'дwре прп\дбне.