к~а. Ст~а'гw а=п\сла fадде'а: И= ст~ы'я мч~нцы ва'ссы.

Тропа'рь а=п\сла, гла'съ г~:

А=п\сле ст~ы'й fадде'е, моли` мл\стиваго бг~а, да прегрjьше'нiй w=ставле'нiе пода'стъ душа'мъ на'шымъ.

Конда'къ а=п\сла, гла'съ д~:

JА='кw sвjьзду` пресвjь'тлую цр~ковь тя` стяжа`, а=п\сле fадде'е, чудесы` твои'ми всегда` просвjьща'ема, сп~си` вjь'рою чту'щыя па'мять твою`.

Въ то'йже де'нь преставле'нiе прп\дбнагw _о=тца` на'шегw а=вра'мiа а=рхiмандрi'та, смоле'нскагw чудотво'рца.

Тропа'рь, гла'съ и~:

Дне'сь возсiя` на'мъ па'мять твоя` сла'вне, jа='кw со'лнце свjьтоза'рно луча'ми w=заря'ющая мi'ръ, и= тьму` но'щи sлы'хъ духw'въ w\т на'съ w\тгоня'ющая. дне'сь нб\сныя си^лы ст~ы'хъ а='гг~лъ, и= ду'шы прв\дныхъ мы'сленнw торжеству'ютъ, ра'дующеся. дне'сь и= мы` грjь'шнiи припа'дающе мо'лимся: _о='тче прп\дбне а=вра'мiе, хр\ста` бг~а моли` непреста'ннw, сп~сти` гра'дъ и= лю'ди, любе'знw тебе` почита'ющыя.

Конда'къ, гла'съ г~. Подо'бенъ: Дв~а дне'сь:

Возсiя` гд\си, гра'ду твоему` па'мять твоегw` о_у=го'дника, jа='кw свjь'тлое со'лнце, ра'достнw всjь'хъ jа='кw луча'ми w=заря'ющи: па'че же мл~твы преч\стыя твоея` мт~ре w\т всjь'хъ бjь'дъ и=збавля'ютъ на'съ, и= о_у=пражня'ютъ ва^рварская шата^нiя. тjь'мъ мы` лю'дiе твои`, и= гра'дъ на'шъ вельми` хва'лимся, и= сп~са'емся мл~твами твоегw` о_у=го'дника, а=вра'мiа прп\дбнагw _о=тца`.