д~_i. Ст~а'гw а=п\сла а=кv'лы.

Сегw' же дне` пое'тся слу'жба ки'рv"ка и= i=улi'тты, вку'пjь со а=п\сломъ.

На Гд\си воззва'хъ, стiхи^ры а=п\сла г~, гла'съ а~, подо'бенъ: Нб\сныхъ чинw'въ: и= мч~нкwвъ г~, гла'съ д~, подо'бенъ: JА='кw до'бля: Сла'ва, гла'съ s~: Прiиди'те и= о_у='зрите: На стiхо'внjь _о=ктw'иха: Сла'ва, гла'съ и~: Трилjь'тенъ тр\оцу:

Тропа'рь, гла'съ г~:

А=п\сле ст~ы'й а=кv'ло, моли` мл\стиваго бг~а, да прегрjьше'нiй w=ставле'нiе пода'стъ душа'мъ на'шымъ.

Сла'ва:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

На о_у='трени, канw'нъ _о=ктw'иха _е=ди'нъ: и= а=п\сла на д~, гла'съ в~: и= мч~нкwвъ на д~, гла'съ и~. По г~-й пjь'сни,

Конда'къ, а=п\сла, гла'съ д~:

JА='кw ве'лiе со'лнце, цр~ковь тя` стяжа'вши сла'вне а=кv'ло свjьтлостьми` о_у=че'нiя твоегw`, просвjьща'етъ вjь'рнw чту'щыя тя' гд\сень а=п\сле.

И= сjьда'ленъ, гла'съ д~. Сла'ва, мч~нкwвъ, гла'съ то'йже. По s~-й пjь'сни,

Конда'къ мч~нкwвъ, гла'съ д~. Подо'бенъ: JА=ви'лся _е=си`:

Во w=б\ъя'тiихъ нося'щи хр\стомч~нца i=улi'тта ки'рv"ка, на по'двизjь му'жески веселя'щися взыва'ше: хр\сто'съ _е='сть мч~нкwвъ похвала`.

И= i='косъ. По f~-й пjь'сни, свjьти'ленъ _о=ктw'иха. Сла'ва, мч~нкwвъ. На хвали'техъ стiхи^ры, на д~, гла'съ а~, самогла'сны. Сла'ва, гла'съ в~: Прiиди'те вjь'рнiи: На стiхо'внjь _о=ктw'иха. Сла'ва, гла'съ д~: Ра'дуйся и= красу'йся: На лiтургi'и, бл~ж_е'нна _о=ктw'иха: и= мч~нкwвъ пjь'снь г~, на д~. Прокi'менъ, гла'съ д~: Ди'венъ бг~ъ во ст~ы'хъ свои'хъ: А=по'столъ къ корi'нfянwмъ, зача'ло рн~д w\т полу`. А=ллилу'iа: И=з\ъ о_у='стъ младе'н_ецъ: _Е=v\глiе луки`, зача'ло н~а, w\т полу`. Прича'стенъ: Ра'дуйтеся: