в~_i. Ст~ы'я мч~нцы татiа'ны .

Конда'къ ст~ы'я, гла'съ д~. Подо'бенъ: JА=ви'лся _е=си`:

Свjь'тлw во страда'нiи твое'мъ возсiя'ла _е=си` стр\стоте'рпице, w= крове'й твои'хъ преиспещре'на, и= jа='кw кра'сная голуби'ца, къ нб~си` возлетjь'ла _е=си` татiа'но: тjь'мже моли` при'снw за чту'щыя тя`.

Въ то'йже де'нь ст~а'гw _о=тца` са'ввы, а=рхiеп\скпа се'рбскагw.

Тропа'рь, гла'съ и~:

Правосла'вiя наста'вниче, бл~гоче'стiя о_у=чи'телю и= чистоты`, вселе'нныя свjьти'льниче, а=рхiере'_евъ бг~одухнове'нное о_у=добре'нiе. са'вво прему'дре, о_у=че'ньми твои'ми вся^ просвjьти'лъ _е=си`, цjьвни'це дх~о'вная, моли` хр\ста` бг~а, сп~сти'ся душа'мъ на'шымъ.

И='нъ тропа'рь, гла'съ г~:

Пути` вводя'щагw въ жи'знь наста'вникъ, и= первопресто'льникъ, и= о_у=чи'тель бы'лъ _е=си`: пе'рвjье бо прише'дъ ст~и'телю са'вво, _о=те'чество твое` просвjьти'лъ _е=си`, и= породи'въ то'е дх~омъ ст~ы'мъ, jа='кw древа` ма^слинная, въ мы'сленнjьмъ раи` насади'лъ _е=си` всеwсщ~_е'нная твоя^ ча^да. тjь'мъ jа='кw а=п\слwмъ и= ст~и'тел_емъ сопресто'льна чту'ще, тя` мо'лимъ: моли` хр\ста` бг~а дарова'ти на'мъ ве'лiю мл\сть.

Конда'къ, гла'съ и~. Подо'бенъ: Взбра'нной:

JА='кw первост~и'теля вели'каго, и= а=п\слwвъ со_о'бщника, цр~ковь прославля'етъ тя` люде'й твои'хъ, прп\дбне. но jа='кw и=мjь'я дерзнове'нiе ко хр\сту` бг~у, мл~твами твои'ми w\т вся'кихъ на'съ бjь'дъ сп~са'й, да зове'мъ ти`: ра'дуйся _о='тче са'вво бг~ому'дре.