и~. Ст~а'гw великомч~нка fео'дwра стратила'та: И= ст~а'гw пр\оро'ка заха'рiи серпови'дца.

Тропа'рь мч~нка, гла'съ д~:

Воинствосло'вiемъ и='стиннымъ стр\стоте'рпче, нб\снагw цр~я` воево'да предо'брый бы'лъ _е=си` fео'дwре: _о=ру'жiями бо вjь'ры w=полчи'лся _е=си` му'дреннw, и= побjьди'лъ _е=си` де'монwвъ полки`, и= побjьдоно'сный jа=ви'лся _е=си` страда'лецъ. тjь'мже тя` вjь'рою при'снw о_у=блажа'емъ.

Конда'къ мч~нка, гла'съ в~: Подо'бенъ: Вы'шнихъ и=щя`:

Му'жествомъ души` въ вjь'ру w=болкi'йся, и= глаго'лъ бж~iй а='ки копiе` въ ру'ку взе'мъ, врага` побjьди'лъ _е=си`, мч~нкwвъ преве'лiй fео'дwре: съ ни'ми хр\сту` бг~у моля'ся не преста'й w= всjь'хъ на'съ.