з~. Ст~а'гw прп\дбномч~нка дометi'а.

Тропа'рь, гла'съ д~:

По'стнически предподвиза'вся на горjь`, о_у='мная врагw'въ w=полч_е'нiя все_ору'жiемъ кр\ста` погуби'лъ _е=си` всебл~же'нне. па'ки же ко страда'льчеству му'жески w=бле'клся _е=си`: и= _о=бои'хъ ра'ди вjьнча'лся _е=си` w\т бг~а, прп\дбномч~нче дометi'е приснопа'мятне.

Конда'къ мч~нка, гла'съ s~:

JА='кw преwби'дjьвъ тлjь^нная, и= до'лу влеку^щая мудрова^нiя, прп\дбномч~нче дометi'е, вели'къ наста'вникъ мона'хwмъ показа'лся _е=си`, не о_у=страши'вся jа='рости царя`, не хотя'ща чти'ти хр\ста` и='стиннаго бг~а. сегw` ра'ди и= сконча'лся _е=си`, воспjьва'я пjь'снь: бг~ъ _е='сть со мно'ю, и= никто'же на мя`.