f~_i. Ст~а'гw пр\оро'ка а=вдi'а: И= ст~а'гw мч~нка варлаа'ма.

Тропа'рь мч~нка:

Мч~нкъ тво'й гд\си, варлаа'мъ, во страда'нiи свое'мъ вjьне'цъ прiя'тъ нетлjь'нный w\т тебе` бг~а на'шегw: и=мjь'яй бо крjь'пость твою`, мучи'телей низложи`, сокруши` и= де'монwвъ немощны'я де'рзwсти: тогw` мл~твами сп~си` ду'шы на'шя.

Конда'къ мч~нка, гла'съ д~. Подо'бенъ: Jа=ви'лся _е=си`:

JА=ви'лся _е=си` преудивле'нъ крjь'постiю, всесожже'нiя лiва'нъ бл~гово'ненъ себе` прине'слъ _е=си` же'ртву хр\сту` и= вjьне'цъ по'чести прiи'мъ, варлаа'ме, при'снw моли` за ны` страда'льче.

Въ то'йже де'нь прп\дбныхъ _о=т_е'цъ на'шихъ, варла'ама, и= i=wаса'фа царе'вича вели'кiя i=ндi'и.

Тропа'рь, гла'съ д~:

W\т дх~о'внагw наста'вника научи'вся, царю` i=wаса'фе, бг~а позна'ти: креще'нiемъ же просвjьти'вся, лю'ди къ вjь'рjь w=брати'лъ _е=си`, и= _о=тцу` твоему` w\т купjь'ли прiи'мникъ бы'въ, ца'рство w=ста'вивъ, пусты'ню дости'глъ _е=си`, и= въ не'й трудолю'бнjь подвиза'лся _е=си`: моли` хр\ста` бг~а со о_у=чи'телемъ твои'мъ варлаа'момъ, сп~сти'ся душа'мъ на'шымъ.

Конда'къ, гла'съ и~:

Вjь'дый твое` и=з\ъ младе'нства бл~го'е и=зволе'нiе, i=wаса'фе, _е=ди'нъ сердцевjь'децъ бг~ъ, и= w\т ца'рствiя земна'гw въ мона'шеское пребыва'нiе приведы'й тя`, вели'кому варлаа'му послjь'довати сподо'би. съ ни'мже и= ны'нjь го'рнiй i=ерусали'мъ всесвjь'тлый _о=те'чество и=мjь'я, жела'емыя добро'ты краснw` наслажда'яся ст~ы'я тр\оцы. мо'лимъ тя` ца'рская красото`, помина'й на'съ вjь'рою чту'щыя тя`.