_е~. Ст~ы'хъ мч~нкъ галактiw'на и= _е=пiсти'мiи.

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

Конда'къ, гла'съ в~. Подо'бенъ: Вы'шнихъ и=щя`:

Му'ч_еникъ хр\сто'выхъ полкw'мъ причто'стеся, до'брjь хра'брствовавшымъ: свjь'тлw подвиза'вшеся галактiw'не сла'вне съ ч\стно'ю супру'жницею и= сострада'вшею тебjь`, _е=пiсти'мiею, _е=ди'ному бг~у непреста'ннw моли'теся w= всjь'хъ на'съ.

Въ то'йже де'нь преставле'нiе и='же во ст~ы'хъ _о=тца` на'шегw i=w'ны а=рхiеп\скпа, новгоро'дскагw чудотво'рца.

Тропа'рь, гла'съ д~:

И=справле'нiе вjь'ры, и= w='бразъ кро'тости, и= jа='коже са'дъ посредjь` рая`, прп\дбными дjь'лы твои'ми мi'ръ просвjьща'еши. и= сегw` ра'ди къ честнjь'й ра'цjь твое'й любо'вiю прикаса'емся, и= вjь'рнw вопiе'мъ: предста'ни въ по'мощь воспjьва'ющымъ па'мять твою` свjьтоно'сную, _о='тче i=w'но, и= моли` сп~сти'ся душа'мъ на'шымъ.

Конда'къ, гла'съ то'йже:

Свы'ше прiя'лъ _е=си` бж~е'ственную бл~года'ть, хода'тайствовати бг~у и= человjь'кwмъ, jа='кw а=рхiере'й возноше'нiе вознося`, и= ми'ръ лю'демъ твои^мъ снося`, и= _о=би'лiе плодw'въ, i=w'но бл~же'нне: ты' бо _е=си` вели'кагw нова'града похвала`, и= су'щихъ w= не'мъ ра'дость.