г~. Прп\дбныхъ _о=т_е'цъ на'шихъ, i=саа'кiа, далма'та и= фа'vста.

Тропа'рь, гла'съ д~:

Бж~е _о=т_е'цъ на'шихъ, творя'й при'снw съ на'ми по твое'й кро'тости, не w=ста'ви мл\сть твою` w\т на'съ, но мл~твами и='хъ въ ми'рjь о_у=пра'ви живо'тъ на'шъ.

Конда'къ, гла'съ в~. Подо'бенъ: Въ мл~твахъ:

Поще'нiемъ возсiя'вшыя jа='кw свjьти^ла, и= _е='р_еси разврати'вшыя вjь'рою, пjь'сньми i=саа'кiа восхва'лимъ, и= съ далма'томъ фа'vста, jа='кw хр\стw'вы о_у=го'дники: того` моля'щыя w= всjь'хъ на'съ.

Въ то'йже де'нь прп\дбнагw а=нтw'нiа ри'млянина, новгоро'дскагw чудотво'рца.

Тропа'рь, гла'съ д~:

Ве'тхiй ри'мъ _о=те'чество твое` w=ста'вивъ, на ка'мень jа='кw на ле'гкiй кора'бль возше'лъ _е=си`: и= на не'мъ па'че _е=стества` а='ки безпло'тенъ по вода'мъ ше'ствовалъ _е=си`, промышле'нiемъ бж\ственнагw ра'зума направля'емь, вели'кагw нова'града дости'глъ _е=си`, и= _о=би'тель въ не'мъ сотвори'въ, тjь'ло твое` въ не'й предложи'лъ _е=си`, jа='кw да'ръ w=сщ~е'нъ. тjь'мъ мо'лимъ тя` _о='тче а=нтw'нiе, моли` хр\ста` бг~а, да сп~се'тъ ду'шы на'шя.

Конда'къ, гла'съ и~. Подо'бенъ: Взбра'нной:

Ри'мское воспита'нiе, вели'кому же нову'граду бл~года'тное процвjьте'нiе, мно'гими бо труды` и= по'двиги въ не'мъ бг~у о_у=годи'лъ _е=си`: сегw` ра'ди чуде'съ дарова'нiя w\т негw` сподо'бился _е=си`, и= тjь'ло твое` мно'гими лjь'ты соблюде` нетлjь'нно. мы' же сiе` лобыза'юще, ра'достнw w\т души` вопiе'мъ ти`: ра'дуйся _о='тче а=нтw'нiе.