г~. Ст~а'гw мч~нка v=акi'нfа:

Стiхи^ры _о=ктw'иха г~, и= мч~нка г~, гла'съ и~. Подо'бенъ: _W пресла'внагw чудесе`! На стiхо'внjь, _о=ктw'иха.

Тропа'рь, гла'съ д~:

Мч~нкъ тво'й гд\си v=акi'нfъ, во страда'нiи свое'мъ вjьне'цъ прiя'тъ нетлjь'нный w\т тебе` бг~а на'шегw: и=мjь'яй бо крjь'пость твою`, мучи'телей низложи`, сокруши` и= де'монwвъ немощны'я де'рзwсти: тогw` мл~твами сп~си` ду'шы на'шя.

_О='ба канw'на _о=ктw'иха: и= ст~а'гw на д~, гла'съ и~. По г~-й пjь'сни, сjьда'ленъ, гла'съ г~. По s~-й пjь'сни,

Конда'къ, гла'съ s~:

Дре'во жи'зни посредjь` души` своея` вjь'ру твою` хр\сте` стяжа'вый тво'й мч~нкъ, _е=де'мскагw рая` честнjь'йшiй бы'сть, дре'во пре'лести sмi'евы погуби'въ дерзнове'ннw дх~омъ, вjьнча'ся сла'вою твое'ю многомл\стиве.

Въ то'йже де'нь пренесе'нiе моще'й во ст~ы'хъ _о=тца` на'шегw фiлi'ппа митрополi'та моско'вскагw, и= всея` рwссi'и чудотво'рца.

Тропа'рь, гла'съ и~:

Первопресто'льникwвъ прее'мниче, сто'лпе правосла'вiя, и='стины побо'рниче, но'вый и=сповjь'дниче ст~и'телю фiлi'ппе, ду'шу положи'вый за па'ству твою`: тjь'мже jа='кw и=мjь'я дерзнове'нiе ко хр\сту` моли` за i=мпера'тора правосла'внаго, за гра'дъ же и= лю'ди, чту'щыя досто'йнw ст~у'ю па'мять твою`.

Конда'къ, гла'съ г~. Подо'бенъ: Дв~а дне'сь:

Правосла'вiя наста'вника, и= и='стины провозвjь'стника, златоу'стагw ревни'теля, рwссi'йскаго свjьти'льника, фiлi'ппа прему'драго восхва'лимъ, пи'щею слове'съ твои'хъ разу'мнw ча^да своя^ пита'юща: то'й бо я=зы'комъ хвале'нiе поя'ше, о_у=стна'ма же пjь'нiе вjьща'ше, jа='кw таи'нникъ бж~iя бл~года'ти.