г~. Ст~ы'хъ мч~нкъ, а=ке_псi'мы _е=п\скпа, и= i=w'сифа пресвv'тера и= а=ifала` дiа'кона: И= w=бновле'нiе хра'ма ст~а'гw великомч~нка геw'ргiа, и='же въ лv'дjь, и=дjь'же положено` _е='сть честно'е тjь'ло _е=гw`.

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

Сла'ва, тропа'рь геw'ргiа, гла'съ д~:

JА='кw плjь'нныхъ свободи'тель и= ни'щихъ защи'титель, немощству'ющихъ вра'чь, царе'й побо'рниче, побjьдоно'сче великомч~нче геw'ргiе, моли` хр\ста` бг~а сп~сти'ся душа'мъ на'шымъ.

Конда'къ мч~нкwвъ, гла'съ в~. Подо'бенъ: Вы'шнихъ и=щя`:

Бж~е'ств_енная, му'дре, непоро'чнw тайноводи'лъ _е=си`, же'ртва прiя'тна бы'лъ _е=си`, бг~обл~же'нне: хр\сто'ву бо пи'лъ _е=си` ча'шу сла'внw, ст~е а=ке_псi'мо, со страда'льцы твои'ми моля'ся непреста'ннw w= всjь'хъ на'съ.

Конда'къ геw'ргiа, гла'съ и~. Подо'бенъ: Взбра'нной:

Къ возбра'нному и= ско'рому заступле'нiю твоему` прибjь'гше, вjь'рнiи, мо'лимъ и=зба'витися, стр\стоте'рпче хр\сто'въ, w\т собла^знъ вра'жiихъ воспjьва'ющымъ тя`, и= вся'кихъ бjь'дъ и= w=sлобле'нiй, да зове'мъ: ра'дуйся, мч~нче геw'ргiе.