в~. Ст~а'гw мч~нка ма'манта: И= прп\дбнагw _о=тца` на'шегw i=wа'нна по'стника, патрiа'рха царя` гра'да.

Тропа'рь мч~нка, гла'съ д~:

Мч~нкъ тво'й гд\си, ма'мантъ, во страда'нiи свое'мъ вjьне'цъ прiя'тъ нетлjь'нный w\т тебе` бг~а на'шегw: и=мjь'яй бо крjь'пость твою`, мучи'телей низложи`, сокруши` и= де'монwвъ немощны'я де'рзwсти: тогw` мл~твами сп~си` ду'шы на'шя.

Сла'ва, тропа'рь прп\дбнагw, гла'съ то'йже:

Пра'вило вjь'ры и= w='бразъ кро'тости, воздержа'нiя о_у=чи'теля jа=ви' тя ста'ду твоему`, jа='же веще'й и='стина: сегw` ра'ди стяжа'лъ _е=си` смире'нiемъ высw'кая, нището'ю бога^тая, _о='тче i=wа'нне, моли` хр\ста` бг~а сп~сти'ся душа'мъ на'шымъ.

Конда'къ мч~нка, гла'съ г~. Подо'бенъ: Дв~а дне'сь:

Жезло'мъ ст~е w\т бг~а тебjь` да'ннымъ лю'ди твоя^ о_у=паси` на па'житехъ живоно'сныхъ, sвjь'ри же неви^димыя и= неукроти^мыя сокруши` под\ъ но'ги тя` пою'щихъ, jа='кw вси` и=`же въ бjьда'хъ, предста'теля тя` те'пла, ма'манте, и='мутъ.