к~и. Ст~ы'хъ а=п\слъ и= дiа'конwвъ: про'хwра, нiкано'ра, тi'мwна и= парме'на.

Тропа'рь, гла'съ г~:

А=п\сли ст~i'и, моли'те мл\стиваго бг~а да прегрjьше'нiй w=ставле'нiе пода'стъ душа'мъ на'шымъ.

Конда'къ, гла'съ а~. Подо'бенъ: О_у=тро'бу дв~и'чу:

Дiа'кони честнi'и и= самови'дцы сло'ва, и= сосу'ди и=збра'ннiи jа=ви'стеся вjь'ры, нiкано'ръ, про'хwръ, парме'нъ и= тi'мwнъ, сла'внiи: тjь'мже де'нь сщ~е'нную па'мять ва'шу пра'зднуемъ, въ весе'лiи се'рдца ва'съ о_у=бл~жа'юще.

Въ то'йже де'нь пра'зднуемъ jа=вле'нiе i=кw'ны смоле'нскiя, прест~ы'я вл\дчцы на'шея бц\ды _о=дiги'трiа.

Тропа'рь, гла'съ д~:

Къ бц\дjь прилjь'жнw ны'нjь притеце'мъ грjь'шнiи и= смире'ннiи, и= припаде'мъ въ покая'нiи зову'ще и=з\ъ глубины` души`: вл\дчце помози`, на ны` мл\срдовавши. потщи'ся погиба'емъ w\т мно'жества прегрjьше'нiй: не w\тврати` твоя^ рабы^ тщы`, тя' бо и= _е=ди'ну наде'жду и='мамы.

Сла'ва, и= ны'нjь:

Не о_у=молчи'мъ никогда` бц\де, си^лы твоя^ глаго'лати недосто'йнiи. а='ще бо ты` не бы` предстоя'ла моля'щи, кто` бы на'съ и=зба'вилъ w\т толи'кихъ бjь'дъ; кто' же бы сохрани'лъ до ны'нjь свобо'дны; не w\тсту'пимъ вл\дчце w\т тебе`: твоя^ бо рабы^ сп~са'еши при'снw w\т вся'кихъ лю'тыхъ.

Конда'къ, гла'съ s~:

Не и='мамы и=ны'я по'мощи, не и='мамы и=ны'я наде'жды, ра'звjь тебе` вл\дчце: ты` на'мъ помози`, на тебе` надjь'емся, и= тобо'ю хва'лимся: твои' бо _е=смы` раби`, да не постыди'мся.

И='нъ конда'къ, гла'съ то'йже:

Предста'тельство хр\стiа'нъ непосты'дное, хода'тайство ко творцу` непрело'жное, не пре'зри грjь'шныхъ моле'нiй гла'сы: но предвари` jа='кw бл~га'я на по'мощь на'съ, вjь'рнw зову'щихъ ти`: о_у=скори` на мл~тву, и= потщи'ся на о_у=моле'нiе, предста'тельствующи при'снw бц\де чту'щихъ тя`.