к~_е. И='же во ст~ы'хъ _о=тца` на'шегw тара'сiа, а=рхiепi'скопа кwнстантi'ня гра'да.

Тропа'рь:

Пра'вило вjь'ры и= w='бразъ кро'тости, воздержа'нiя о_у=чи'теля jа=ви' тя ста'ду твоему`, jа='же веще'й и='стина: сегw` ра'ди стяжа'лъ _е=си` смире'нiемъ высw'кая, нището'ю бога^тая, _о='тче тара'сiе, моли` хр\ста` бг~а сп~сти'ся душа'мъ на'шымъ.

Конда'къ, гла'съ г~. Подо'бенъ: Дв~а дне'сь:

Правосла'вными догма'ты цр~ковь о_у=ясни'въ, и= хр\сто'ву бл~же'нне честну'ю i=кw'ну почита'ти и= покланя'тися всjь'хъ научи'въ, w=бличи'лъ _е=си` i=кwнобо'рц_евъ безбо'жное велjь'нiе. сегw` ра'ди вопiе'мъ ти`: _w _о='тче ра'дуйся, му'дре тара'сiе.